«Қазгидромет» РМК-ның ауа райы болжамына сәйкес, алдағы күндері Жетісу облысында ауа температурасы +3 градусқа дейін көтеріліп, аралас жауын-шашын, көктайғақ, бұрқасын жел және тұман түседі деп күтілуде.

«Қазгидромет» РМК-ның ауа райы болжамына сәйкес, алдағы күндері Жетісу облысында ауа температурасы +3 градусқа дейін көтеріліп, аралас жауын-шашын, көктайғақ, бұрқасын жел және тұман түседі деп күтілуде.

Осыған байланысты, Жетісу облысының ТЖД ескертеді:

Су айдындарында мұз құбылыстарының әлсіреуі және өзендердегі су деңгейінің көтерілуі мүмкін;

 Таулы аймақтарда қар жамылғысының тұрақсыз жағдайына байланысты қар көшкіні жүруі мүмкін;

 Елді мекендерде жауын-шашын мен қардың қарқынды еруіне байланысты, аула аумақтарын жергілікті су басуы мүмкін.

Төтенше жағдайлардың алдын алу мақсатында, азаматтарға:

Үйлердің жанында орналасқан арықтар мен су өткізгіштерді бітеп тастамау, оларды уақытылы тазарту;

Балаларды су айдындарына бақылаусыз жібермеу, мұзда, тік және шайылған жағалауларда болу қаупі туралы ескерту;

Қарлы тау беткейлеріне шықпау;

Ауа-райының өзгеруін қадағау және «112» дауылды ескертуін алған кезде, елді мекендерден тыс сапарға шықпау ұсынылады.